Ads 468x60px

27 April 2012

နောက်တစ်ကြိမ် ထပ်ပြီး

 

မြန်မာ့ဆက်သွယ်ရေးကနေပြီးတော့ GSM ဖုန်းတွေကို ပြီးခဲ့တဲ့လ နှောင်းပိုင်းလောက်ကစပြီး ချပေးခဲ့ပါတယ်။ နယ်တွေက အရင်စရောင်းပြီးတော့ ရန်ကုန်နဲ့ မန္တလေးမြို့ကြီးတွေကို ဒီ ဧပရယ်လ ၉ ရက်နေ့လောက်ကမှ စပြီး ရောင်းချခွင့်ပေးခဲ့တာပါ

နယ်တွေမှာ စရောင်းတော့ စိုင်းစိုင်းကလဲ နယ်ရောက်နေခဲ့တာ။ တိတိကျကျပြောရရင်တော့ မိုးကုတ်မှာပေါ့။ မိုးကုတ်မှာ စစရောင်းတော့ ရောင်းရပါ့မလားလို့ စိုင်းစိုင်း တွေးနေမိတယ်။ ဒါပေမယ့် စရောင်းတဲ့နေမှာ လူတွေ လူတွေ ဖုန်းဆိုင်တွေမှာ ကြိတ်ကြိတ်တိုးလို့။ နှစ်သိန်းအတိနဲ့ ရောင်းပေးတဲ့ဆိုင်ရှိသလို ဝန်ဆောင်ခ ငါးထောင် တစ်သောင်းလောက် တင်ပြီး ရောင်းတဲ့ဆိုင်လဲ ရှိတာပေါ့။ အော် ပထမနေ့မို့ လူတွေ ဝယ်ကြတာနေမှာပါလေ  
နောက်နေ့ဆို ဝယ်တဲ့လူပါးသွားမှာပါ ဆိုပြီး ထင်နေခဲ့ပေမယ့် နောက်နေ့တွေမှာလည်း ဆိုင်တွေမှာ လူတွေ များမြဲများနေဆဲပါပဲ။ နှစ်သိန်းတန် GSM မိုးကုတ်မှာ ပန်းပန်သွားပါတယ်ပေါ့။

ဒီလိုနဲ့ ရန်ကုန်ပြန်ရောက်လာတယ်။ ဧပရယ်လ ပထမပတ်မှာ မရောင်းသေးဘူး။ ဒါပေမယ့် သူငယ်ချင်းက သူ့သူငယ်ချင်းအတွက် သူဝယ်ပေးမလို့တဲ့။ Handset ပါလိုက်ကြည့်ပေးပါဆိုပြီး စိုင်းစိုင်းကိုခေါ်တယ်။ အဲ့ဒါနဲ့ ဖုန်းဆိုင်တစ်ဆိုင်ရောက်သွားတယ်။ နာမည်ကြီးပါပဲ။ ကတ်တွေ ရနေပြီတဲ့။ နှစ်သိန်းအတိနဲ့။ နံပါတ်ရွေးရင် တစ်သောင်းအပိုထပ်ဆောင်းပေးရမယ်တဲ့။ ဒီနေ့တော့ ကတ်ကုန်သွားပြီတဲ့။ ဟင် လိုင်းတွေက ပွင့်နေပြီလား။ အဲ့ဒီလိုဆိုကျတော့ မပွင့်သေးပါဘူးတဲ့။ ကိုးရက်နေ့နောက်ပိုင်းမှ ပွင့်မှာပါတဲ့။ ထားပါတော့ မဝယ်မဖြစ်တဲ့ လူတွေ ဝယ်ကြရမှာပေါ့လေ။ ငါးထောင်တန်ဖုန်းကိစ္စကြားထားတာပဲ လူတွေက အရောင်းမသွက်လောက်ဘူး ထင်တယ်နော့။

ဒီလိုနဲ့ ၉ ရက်နေ့ကို ရောက်လာခဲ့ပါတယ်။ သူငယ်ချင်းတစ်ယောက် မက်ဆေ့ခ်ျပို့လာတယ်။ မနက် မိုးတောင် လင်းခါစလေးပဲ ရှိသေးတယ်။ ၆ နာရီလောက်ဖြစ်မယ်။  ဖုန်းနံပါတ် ဘယ်လောက် ဘယ်လောက် ဘယ်ဈေးနဲ့ရမယ်။ ဒီနံပါတ်က ဒီဈေး ဒီနံပါတ်က ဒီဈေး။  ဘာ. ဒီကောင် လာနောက်နေတာလား။ နှစ်သိန်း အတိနဲ့ပဲ ရောင်းရမယ်လို့ ကြေငြာချက်ထုတ်ထားပြီးကာမှ ဘာလို့ ဈေးတွေက ဒီလောက်တောင် ကွာဟနေတာလဲ။ စိတ်ပေါက်ပေါက်နဲ့ စာပြန်လိုက်တယ်။ မင်းဖုန်းကတ်တွေက ဈေးကြီးနေတယ်။ တခြားနေရာမှာတောင် နှစ်သိန်းနဲ့ပဲရောင်းနေတာ။ ချက်ချင်းစာပြန်လာတယ်။ ဈေးကွက်ထဲ တစ်ပတ် ပြန်လှည့်ကြည့်လိုက်ဦးတဲ့။

အဟုတ်ပါပဲ။ ဘယ်ဆိုင်ကို ဆက်ဆက် အကို ကတ်ကုန်နေပါတယ်။
ပေါက်ဈေးကတော့ ဒီလောက်ပါရှင်။ ကျေးဇူးတင်ပါတယ်ရှင်။ ဘာတွေဖြစ်ကုန်ပြီလဲ။ မကျေနပ်သေးဘူး။
ပင်ရင်းဖြန့်ချိရေးတွေနဲ့ အကျိုးတူဆိုင်တွေကို သွားမယ်။ တန်းစီရမယ်။ အကို ဖြန့်ဈေးက ဒီလောက်ပါ။ သင်္ကြန်ပြီးရင်တော့ ဈေးနည်းနည်းကျနိုင်ပါတယ်။ စောင့်နိုင်ရင်တော့ စောင့်ပေါ့အကိုရယ်။ ကျွန်တော် နည်းနည်း တင်းသွားတယ်။ ဈေးကလဲ မတန်တဆ။ အဲ့ဒီအပေါ်မှာတောင် သတ်မှတ်ဈေးထက်ကျော်ပြီး
အရောင်းအဝယ်လုပ်နေရတယ်။. ဘာလဲဒါက။

မကြာပါဘူး။ ပြဿနာတွေ စပါတယ်။ လိုင်းတွေကျပ်တာ။ ခေါ်မရတာ။ ဘေလ်တွေ ပျောက်ကုန်တာ။ ဒါက ပုံပြင်မဟုတ်ပါဘူး တကယ့်အဖြစ်အပျက်ပါ။ ဘေလ်ပျောက်ကုန်တာကတော့ အဆိုးဆုံးအဖြစ်အပျက်ပေါ့။

၂၃ ရက်နေ့ကတော့ WCDMA စရောင်းပါတယ်။ သူ့ကို မရောင်းခင်ကလည်း သတင်းတွေ အမျိုးမျိုးထွက်။ အင်တာနက်စနစ် တစ်ခါတည်းပါမယ်။ မပါဘူး။ GSM စနစ်ကို အင်တာနက်မပေးဘူးတဲ့။ WCDMA ကိုပဲ ပေးမှာတဲ့။ လိုင်းကလဲ ပိုကောင်းတယ်တဲ့။ ဘာလို့လိုင်းပိုကောင်းတာလဲ။ ကတ်ပိုကောင်းလို့တဲ့။
ဈေးကလဲ ငါးသောင်းပိုပါတယ်း နှစ်သိန်းခွဲပေါ့။ ထွက်လာတော့လဲ ဒီတိုင်းပါပဲ။ ဘာစနစ်မှ မပါပါဘူး။

စစရောင်းတဲ့ ၂၃ ရက်နေ့က ပင်ရင်းဆိုင်တွေမှာဆိုရင် တန်းစီပြီး ဝယ်ကြရပါတယ်။ အဲ့ဒီမှာလဲ ချစ်စရာ့ မြန်မာ့စရိုက်လေးတွေကို တွေ့ရပါတယ်။ ရန်ဖြစ်ကြတာပေါ့။ ဒီနေရာ ငါအရင်ဝင်တာ ငါရောက်တာ။ ဘာညာနဲ့ပေါ့။ တန်းစီရင်း တန်းစီရင်းနဲ့ နောက်ဆုံးကျတော့ ကတ်ကုန်သွားပါလေရောလား။ မရတဲ့လူတွေက စိတ်တွေဆိုး။ အင်း.. တုံကင်လေးတွေတော့ ပေးတယ်နဲ့ တူပါရဲ့။ နောက်နေ့ပြန်လာတန်းစီဖို့။

အမယ် သူတို့ရောင်းတဲ့စနစ်ကလဲ အမိုက်သားကလား။ ဟန်းဆက်ပါ တစ်ခါတည်း တွဲဝယ်မယ်ဆိုရင်ဖြင့် တန်းစီစရာမလိုဘူးတဲ့ခင်ဗျား။ VIP တန်းဖြစ်သွားပါလေရောလား။ ဟန်းဆက်လေးနဲ့ ဖုန်းကတ်လေးနဲ့ ကြော့ကြော့မော့မော့ ပြန်ထွက်လာလိုက်ရုံပဲ။ မိုက်တယ်ဟုတ်။ ဟန်းဆက်မဝယ်ဘူးဆိုရင် တန်းစီပေရော့ တမေ့တမော့။ သိတယ်ဟုတ်။ ခုရက်ပိုင်းက သိပ်ပူနေတာနဲ့။ တန်းစီနေရင်း မူးလဲသွားတဲ့သူ မရှိလို့တော်သေးတာပေါ့။
 

ကဲ ရှေ့လာမယ့်လထဲမှာတော့ အရင်တုန်းက ၁၅ သိန်းဖုန်းတွေကို ကြိုတင်ငွေဖြည့်ကတ်စနစ်ပြောင်းမယ်။ 
နောက် နယ်က ဖုန်းတွေကိုလဲ ရန်ကုန်၊ မန္တလေးစတဲ့ မြို့တွေကို ယူလာပြီး သုံးလို့ရပြီ။ ( ရွှေဥာဏ်တော် စူးပုံ ပြောပါတယ်။ မတ်လ အစောပိုင်းက ချပေးခဲ့တဲ့ ဖုန်းတွေက တခြား နယ်ကို ယူပြီးသုံးလို့ မရပါဘူး။ ကိုယ့်ဒေသတွင်းမှာပဲ သယ်ယူပြောဆိုလို့ရပါတယ်။ ဥပမာ မိုးကုတ်ဖုန်းက မိုးကုတ်မှာပဲ သုံးလို့ရပါတယ်။ မန္တလေးကို ယူလာပြီးသုံးလို့မရသေးပါဘူး။ သူတို့ပြောတာကတော့ သတ်မှတ်ထားတဲ့ ဖုန်းတွေ တစ်နေရာတည်းမှာပဲ စုပြုံ ရောက်မလာအောင်လို့ပေါ့။ ဒါပေမယ့် သိတယ်ဟုတ် ဒါက Stupid Reason ပါ။ ဒါပေမယ့် ခုတော့ သယ်ယူပြီး ပြောလို့ ရတော့မယ်ပေါ့။ ကောင်းပါတယ် )


ဒါပေမယ့် ကျွန်တော်ပြောချင်တာ တစ်ခုက ဖုန်းဆင်းမ်ကတ်ဆိုတာက ထုတ်ရ အဲ့လောက်မခက်ပါဘူး။ သူတို့မှာ အချိန်တွေ အများကြီး ရှိပါတယ်။ ဒီဖုန်းကတ်တွေကို activate လုပ်ထားဖို့ဆိုတာ ခက်ခဲတဲ့ ကိစ္စတစ်ခု မဟုတ်ပါဘူး။ ပထမနှစ် စီမံကိန်းအနေနဲ့ လေးသန်း ချထားပေးဖို့ စီမံထားတယ်။ ရောင်းချင်တာ ငမ်းငမ်းကိုတက်လို့၊ ဒါပေမယ့် ချထားပေးတော့ ကုန်သွားတယ်တဲ့။ အဓိပ္ပါယ်မရှိဘူးလို့ ခံစားရတယ်။ ဈေး မတက် တက်အောင် လုပ်ကြတာကိုပြောပါတယ်။ ဒါက မြန်မာ့ ဆက်သွယ်ရေးရဲ့ အပြစ်မဟုတ်တော့ဘူး။ ကြားက စီးပွားရေးသမားတွေ ကိုယ်စားလှယ်တွေဖြစ်သွားပြီ။

ဆိုင်လေးတွေဆီက ရတဲ့သတင်းကလဲ သိပ်တော့မကောင်းပါဘူး။ မြန်မာ့ဆက်သွယ်ရေးက ငါမသိတာ မရှိတဲ့ ပုဂ္ဂိုလ်ကြီးတစ်ယောက်က သူ့တို့ဆိုင်တွေကို ဈေးတက်ရဲရင် တက်ကြည့် အရေးယူမယ်လို့ ကြိမ်း သတဲ့။ အဲ့ဒါနဲ့ သူလဲ မရောင်းတော့ဘူးတဲ့။ သူတို့ဆိုင်လေးတွေ ကတ်ယူရတဲ့ပုံစံက ဒီလိုပါတဲ့။ ကတ် တစ်ရာ ယူရင် အမြတ် ရာခိုင်နှုန်းခွဲပေးမယ်ပေါ့။ ကတ်တစ်ရာမပြည့်ရင် တစ်ပြားမှ မရပါတဲ့။ ကတ်တစ်ရာက သိန်းနှစ်ရာ။ သိန်းနှစ်ရာ ရင်းပြီး ကုန်မကုန် အာမ ဘယ်သူခံပေးမလဲ။ ဖုန်းဆိုင်တွေ ဒီလောက် ပွထနေတာ။ အဲ့ဒီလို မလုပ်ရင် အမြတ်ခွဲမပေးဘူးဆိုတော့ သူတို့လဲ ဈေးတင်ပြီး ရောင်းရတော့တာပေါ့။ ဒါပေမယ့် သင်္ကြန် မတိုင်ခင်တုန်းကတော့ ပင်ရင်းဆိုင်တွေမှာကို ဈေးတက်ခဲ့တာကတော့ တော်တော့်ကို အရုပ်ဆိုးပါတယ်။ မြန်မာ့ဆက်သွယ်ရေးကပဲ ကတ်တွေကို လုံလောက်အောင် ထုတ်မပေးခဲ့တာလား။ လူတွေကပဲ ဥ ထားခဲ့တာလား တွေးစရာပါ။

အခုတစ်မျိုးလုပ်ပြန်ပြီ။ နှစ်သိန်းခွဲနဲ့ရောင်းနေတဲ့ WCDMA က အင်တာနက်လိုင်းတစ်ခါတည်း ပါမယ်ဆိုပြီး မပါခဲ့ပါဘူး။ အမှန်အတိုင်းပြောရရင် WCDMA ဆိုတာ လိုင်းပိုကောင်းတယ်ဆိုတာကလဲ မဟုတ်ရပါဘူး။ WCDMA က frequency 2100MHz သုံးထားတဲ့အတွက် ရိုးရိုး GSM ထက်စာရင် ဧရိယာကျဉ်းပါတယ်။ အဲ့ဒီအတွက် နေရာတိုင်းမှာ 3G service မရနိုင်ပါဘူး။ သူသတ်မှတ်ဧရိယာ ကျော်သွားရင် ရိုးရိုး GSM အတိုင်းပဲ ပြန်ဖြစ်သွားမှာပါ။ အဲ့ဒီအတွက် ပိုကောင်းတယ်ဆိုတာ မဟုတ်ပါဘူး။ မှားပါတယ်။ နောက်ပြီးတော့ GSM တွေက ဟန်းဆက်အမြင့်မှာ သုံးခဲ့မယ်ဆိုရင်ပေါ့လေ.. network mode ကို ရွေးလို့ရပါတယ်။ Dual Mode မှာထားပေးမယ်ဆိုရင် 3G service ရတဲ့နေရာတွေမှာ 3G service ကို သုံးနိုင်ပါတယ်။ ဒါပေမယ့် ကိုယ့်ကတ်ကလည်း service လျှောက်ထားရမှာပေါ့။ အဲ့ဒီအခါမှာ 3G ကို သုံးလို့ရပါတယ်။ အဲ့ဒါကြောင့် GSM နဲ့ WCDMA က အပြန်အလှန် အသုံးပြုလို့ရတယ်ပေါ့ဗျာ။ အဲ့ဒီအတွက် WCDMA က ပိုကောင်းတယ်ဆိုတာ မဟုတ်ပါဘူး။ တစ်ခုတော့ ရှိတာပေါ့လေ။ သူတို့က ညစ်ပတ်ပေတူးပြီး အင်တာနက်လိုင်းကို WCDMA မှာပဲပေးမယ်ဆိုရင်တော့ တစ်မျိုးပေါ့ဗျာ။

တကယ်လို့ စာဖတ်သူမိတ်ဆွေ ဒါမှမဟုတ် မိတ်ဆွေရဲ့ အသိသူငယ်ချင်းတွေများ ဖုန်းဝယ်ဖို့ စိတ်ကူးတယ်ပေါ့ဗျာ။ မဖြစ်မနေ ဝယ်ရတော့မယ်။ ဒါပေမယ့် စကားပြောရုံသီးသန့်ပဲ သုံးမယ်ဆိုရင် GSM ပဲဝယ်လိုက်ပါ။ WCDMA အတွက်နဲ့ ငါးသောင်းအပိုအကုန်မခံပါနဲ့။ ပြီးတော့ MPT ရဲ့ထုံးစံအရ ငွေရရင် ဘာမဆို လုပ်မှာ ဖြစ်တဲ့အတွက်ကြောင့် နောက်ပိုင်း ငွေလိုလာတဲ့အခါကျရင် GSM တွေကိုလဲ အင်တာနက် ဖွင့်ပေးမှာပါ။  အဲ့ဒါသေချာပါတယ်။ သူတို့တွေ လုပ်နေကျပဲလေ။

ငါးထောင်တန်ဖုန်းကိစ္စကို ဒေါက်တာမြတ်ဥာဏစိုး လွှတ်တော်မှာ မေးသွားတော့လည်း ဝေ့လည်
ကြောင်ပတ်နဲ့  ဖြေသွားတဲ့မေးခွန်းတွေက စိတ်ဆိုးချင်စရာပါပဲ။ ငါးထောင်တန်ရယ်လို့မှ မဟုတ်ဘူး။ သင့်တင့်တဲ့ တန်ဖိုးနဲ့ လူတိုင်း လူတိုင်းကိုင်နိုင်ဖို့ လိုတယ်လေ။ဖုန်းလိုင်းတွေကလဲ အခုရက်ပိုင်း ပိုပို ဆိုးလာပါတယ်။ ဟိုဘက်က ခေါ်ရင် ဒီဘက်က ကိုင်လိုက်တဲ့အခါမှာ ကျသွားတယ်။ ဒါပေမယ့် call duration ကို ကြည့်လိုက် မိနစ်ပိုင်း ဒါမှ မဟုတ် စက္ကန့်ပိုင်းလောက် ဝင်နေပြီ။ ဒါပေမယ့် ဟိုဘက်ကလူက call tone ကို လုံးဝ မကြားရဘူး။ call ဝင်လို့ဝင်မှန်းလဲ မသိဘူး။ နောက် ဖုန်းတွေ ပြောနေရင်းပြုတ်ပြုတ်ကျတယ်။ အရင်ကလဲ ဖြစ်နေကျဆိုပေမယ့် အခုပိုဆိုးလာတယ်။ အခု နယ်ကဖုန်းတွေပါ သယ်လို့ရတော့မယ်ဆို ပိုဆိုးလာဖို့ ကိန်းမြင်တယ်။

အားလုံးကို ပိုက်ဆံမကုန်စေချင်တဲ့
စိုင်းစိုင်း

24 April 2012

ကျောက်စီပန်းချီ Gems Art

ကြုံတုန်းကြုံခိုက်လေး မိုးကုတ်က ကျောက်စီပန်းချီအကြောင်းလေး ပြောပြချင်ပါတယ်။ ဒီကျောက်ပန်းချီလုပ်ငန်းက ၁၉၉၈ - ၉၉ လောက်မှာ စတင်ခဲ့တာဖြစ်ပြီး တစ်ပိုင်တစ်နိုင်ကနေပြီးတော့ စီးပွားရေးလုပ်ငန်းအနေနဲ့လည်း လုပ်ကိုင်ကြပါတယ်။ စိုင်းစိုင်း ရှစ်တန်းဖြေပြီး ကိုးတန်းမတက်ခင် နွေရာသီကျောင်းပိတ်ရက် ၁၉၉၉ ခုနှစ်လောက်တုန်းက ကျောက်ပန်းချီကို ကိုယ်တိုင်ကိုယ်ကျ လုပ်ဖူးခဲ့ပါတယ်။ အဲ့ဒီနောက်ပိုင်းမှာ မလုပ်ဖြစ်တော့တာ အခုထိပါပဲ။ 


စိုင်းစိုင်းကို ကျောက်ပန်းချီသင်ပေးခဲ့တဲ့ ဆရာကတော့ အခုထိ လုပ်နေတုန်းပါပဲ။ အခုချိန်မှာ မိုးကုတ်မြို့မှာ အကြီးဆုံးလို့တောင် ပြောလို့ရမယ်ထင်တယ်။ ပြီးခဲ့တဲ့လ မိုးကုတ်ပြန်တော့ ဆရာ့ဆီကို အလည်ရောက်တုန်း သူတို့ ကျောက်ပန်းချီစီနေတဲ့ ပုံတွေ ရိုက်ဖြစ်ခဲ့ပါတယ်။ 



စိုင်းစိုင်းလုပ်ခဲ့တာတွေက ခရစ်စမတ်ပုံတူကားလေးတွေ၊ နောက် ကာတွန်းပုံလေးတွေ၊ ပြီးတော့ မြန်မာ့ရိုးရာပုံလေးတွေပေါ့ ကိန္နရီ ကိန္နရာ မောင်နှံပုံလေးတွေ၊ နောက် တခြားပုံလေးတွေ တော်တော်များများလုပ်ခဲ့ဖူးတယ်။ ကျောက်ပန်းချီစီရတာ တော်တော် လက်ဝင်ပါတယ်။ ပထမ ကိုယ်ပုံတူဆွဲမယ့် ပန်းချီကားကို မိတ္တူဆွဲရတယ်၊ မိတ္တူဆွဲလို့အဆင်မပြေတဲ့ပုံတွေကိုဆို ဆရာက စက္ကူပါးလေးနဲ့ ကောက်ကြောင်းဆွဲပေးတယ်။ အဲ့ဒီ ကောက်ကြောင်းပုံ ဒါမှမဟုတ် မိတ္တူပုံကိုမှ ကျောက်ပန်းချီစီမယ့် ဘုတ်ပြားပေါ်ကို မင်ခံစက္ကူနဲ့ ထပ်ပြီး ကောက်ကြောင်းလိုက်ရတယ်။ ကောက်ကြောင်းတွေ စုံပြီဆိုရင်တော့ အဲ့ဒီကောက်ကြောင်းတွေကို မှတ်မီးလိုင်း လိုက်ဆွဲရပါတယ်။ (မှတ်မီးဆိုတာ မဟူရာကျောက်ပါ၊ အဲ့ဒီ မဟူရာကျောက်ကို အရွယ်စုံ ရအောင် ထောင်းပြီး အမှုန့်ချရပါတယ်။ တခြား ကျောက်တွေကိုလည်း အရိုင်းသုံးသင့် အရိုင်း ၊ ထောင်းသင့်ထောင်း၊ သွေးသင့် သွေး အဲ့ဒီလုပ်ရပါတယ် )


မှတ်မီးလိုင်းဆွဲဖို့အတွက် မင်ခံလိုင်းတွေကို ကော်နဲ့လိုင်းဆွဲပြီး မှတ်မီး  အပွင့်သေးသေးလေးတွေနဲ့ စီရပါတယ်။ အခုနောက်ပိုင်းမှာတော့ အမှုန့်တွေနဲ့ဆွဲပါတယ်။ သူက ပိုသပ်ရပ်ပြီး ပိုမြန်ပါတယ်။ အောက်မှာပြထားတဲ့ ပုံအတိုင်းပေါ့။ 




ဒါက မှတ်မီးနဲ့ လိုင်းဆွဲနေတာပါ.. ပုံထဲမှာ ပါတဲ့သူကတော့ စိုင်းစိုင်းရဲ့ ဆရာပေါ့ဗျာ

 သူတို့ဆွဲနေတဲ့ပုံက မဟာပိန္နဲနတ်ဘုရားပုံတူ။ ပုံက တော်တော်ကြီးပါတယ်။ ပုံထဲမှာ မြင်ရတဲ့အတိုင်းပါပဲ။
အဲ့ဒီလိုပန်းချီကား တစ်ကားလုံးကို လိုင်းဆွဲလို့ပြီးပြီဆိုရင်တော့ မူလပုံတွေမှာ ပါတဲ့အရောင်တွေနဲ့ အနီးစပ်ဆုံးတူတဲ့ ကျောက်တွေကို သုံးပြီး ပန်းချီစီရပါတယ်။ အနုအရင့်ကစ သေချာရွေးပြီး စီရပါတယ်။ ဒါမှ ပန်းချီကားက အသက်ဝင်မှာကိုး။


 ဒါက သူ့တပည့်မလေးတစ်ယောက် ကျောက်ပန်းချီစီနေတဲ့ပုံပါ။ ဟိန္ဒူနတ်ဘုရားပုံပါ။


စိုင်းစိုင်းလုပ်ခဲ့တဲ့ ပန်းချီကားလေးတွေက ဖန်စီကားလေးတွေများတော့ သိပ်မပင်ပန်းခဲ့ပါဘူး။ ပျော်စရာကောင်းခဲ့ပါတယ်။ အခုနောက်ပိုင်းမှာတော့ ဖန်စီကားလေးတွေက သိပ်မဆွဲကြတော့ဘူးလို့ထင်တယ်။ ပုံတူပန်းချီတွေနဲ့ တခြား ရိုးရာပုံတွေကိုပဲ ပိုစီကြတယ်။  စိုင်းစိုင်းလုပ်ခဲ့တာက သုံးလလောက်ပဲဆိုတော့ သိပ်လဲ မတတ်ခဲ့ပါဘူး။ ပုံတူပန်းချီတွေ ဆွဲရလောက်အောင်လဲ သင်ဖို့အတွက် အချိန်မရခဲ့ပါဘူး။  


ပုံတူပန်းချီကတော့ စီရတာ အချိန်ပိုကြာသလို ပိုလည်းလက်ဝင်ပါတယ်။ စိုင်းစိုင်းရောက်သွားတဲ့အချိန်တုန်းက ဆရာဆွဲနေတဲ့ ပန်းချီကားတွေကာ မြတ်စွာဘုရားပုံတော်တွေရယ် နောက် ဟိန္ဒူနတ်ဘုရားပုံတွေဆိုတာ သတိထားမိတယ်။ 


စိုင်းစိုင်းဆရာဆွဲတဲ့ ပန်းချီကားတွေက တခြားသူတွေယှဉ်ရင် ဈေးနည်းနည်းပိုတယ်လို့ သူငယ်ချင်းတွေက ပြောကြတယ်။ ဒါပေမယ့် ဆရာသုံးတဲ့ကျောက်တွေက တကယ့်သဘာဝကျောက်စစ်စစ်တွေပဲဆိုတာ သူတို့သိတဲ့အတွက် လက်ဆောင်ပေးဖို့ဆိုရင် ဒါမှမဟုတ် ပုံတူပန်းချီကားစီမယ်ဆိုရင် ဆရာ့ဆီပဲ လာကြတယ်လို့ဆိုပါတယ်။ ဟုတ်တော့ဟုတ်ပါတယ်။ ရန်ကုန်က တချို့ဆိုင်တွေမှာ ကျောက်စီပန်းချီကားတွေတွေ့ဖူးတယ်။ ကျောက်တွေရဲ့အရောင်က အရမ်းစိုနေလို့ အနီးကပ်ကြည့်မိတော့မှ ကျောက်တွေကို ဆေးဆိုးထားမှန်းသတိထားမိတယ်။ ဆေးဆိုးထားတဲ့ ကျောက်က ပိုလှတယ် ထင်ရပေမယ့် အတုအစစ်ခွဲတတ်တဲ့ သူတွေရဲ့ မျက်လုံးထဲမှာတော့ လှတယ်လို့ကို မထင်ဘူးဖြစ်နေတယ်။ 


အမေစု ပုံလေး ကျောက်ပန်းချီစီထားတာကို ဓါတ်ပုံရိုက်ထားတာ။ ဆရာက သူဆွဲပြီးတဲ့ပုံလေးတွေကို အဲ့လိုပဲ ဓါတ်ပုံ ရိုက်ရိုက်ထားတတ်တယ်။ စိုင်းစိုင်းက အဲ့ဒီဓါတ်ပုံကို ဓါတ်ပုံပြန်ရိုက်လာတာပါ။ တော်တော်တူတယ်နော်။ ကျက်သရေရှိလိုက်တာ

ဒါကလည်း နောက်တစ်ပုံပါ။ မူရင်းပုံတွေနဲ့ ယှဉ်ပြီး ပြထားတာကို ရိုက်လာခဲ့တာ။ မိသားစုပုံပါတယ်။ နောက် ထိုင်းဘုရင့်ပုံပါတယ်။

ဗိုလ်ချုပ်ပုံက တော်တော့်ကို တူတယ်လို့ ခံစားရတယ်။

ဒါက မြတ်စွာဘုရားပုံတော်မှာ သင်္ကန်းတော်ကို အညံ့ကျောက်တွေနဲ့ စီနေတာပါ ( အညံ့ကျောက်ဆိုတာ မကောင်းတဲ့ကျောက် မဟုတ်ဘူးနော်.. ကျောက်နာမည်ကိုက အညံ့တဲ့။ သူက အရောင်စုံနီးပါးကိုရှိတယ်။ ဟိုတီဗီမှာလာတဲ့ အင်တာဗျူးသမား တစ်ယောက်ကို သတိရမယ်တယ်။ နီလာဆိုပေမယ့် ကျောက်ကလေးတွေက အပြာရောင်လေးတွေနော်တဲ့.. ရယ်လိုက်ရတာ အူတွေကို လှိမ့်နေတာပဲ။ နီလာဆိုတာ အပြာရောင်မှန်း သူသိသင့်တာပေါ့နော့ )

ဒါကတော့ ဆရာ့ ပန်းချီခန်းပါ။ အော်ဒါတွေ မှာချင်တယ်ဆိုရင်လည်း စိုင်းစိုင်းဆီက တစ်ဆင့် မှာလို့ရပါတယ်နော့်။ အကျိုးဆောင်ခ တစ်ပြားမှ မယူပါဘူး။ စေတနာနဲ့ ကူညီပေးမှာပါ. :) 

ဒီအောက်ကပုံတွေကတော့ တခြား သူဆွဲထားတဲ့ပုံလေးတွေပါ။ 







ပုံတွေ စာတွေကို အချိန်ယူပြီး စိတ်ရှည်ရှည်နဲ့ ဖတ်ပေးကြည့်ပေးကြတဲ့အတွက် အားလုံးကို ကျေးဇူးတင်ပါတယ်ခင်ဗျ။ :)

22 April 2012

Whistle-Blower (ဝီစီမှုတ်သူတော့ မဟုတ်ပါ)



 ဟို တလောက ရုပ်ရှင်ဇာတ်ကားတစ်ကား ကြည့်ဖြစ်တယ်။ Whistle-Blower တဲ့။ ၂၀၁၀ လောက်ကထွက်တာ။ ၁၉၉၈ - ၉၉ ခုနှစ်ပိုင်းက ဘော့စနီးယားနိုင်ငံမှာ ဖြစ်ပျက်ခဲ့တဲ့ အဖြစ်အပျက်တွေကို အခြေခံပြီး ရိုက်ထားတာ လို့ဆိုပါတယ်။

အဓိကဇာတ်ဆောင်က Kathryn Bolkovac လို့ခေါ်တဲ့ အမျိုးသမီးတစ်ယောက်ဖြစ်ပြီးတော့ မင်းသမီး Rachel Weisz က သရုပ်ဆောင်ထားပါတယ်။ ဇာတ်လမ်းသဘောအရ သူက UN ရဲ့ Contractor တစ်ခုဖြစ်တဲ့ DynCorp ဆိုတဲ့ အဖွဲ့အစည်းကနေတစ်ဆင့် ဘော့စနီးယားကို အလုပ်လုပ်ဖို့ရောက်လာပါတယ်။ သူ့ရဲ့အဓိက အလုပ်က လူကုန်ကူးမှုရယ် ပြည့်တန်ဆာလုပ်ငန်းတွေကို စုံစမ်းထောက်လှမ်းဖို့ ဖြစ်လာပါတယ်။ 

လူကုန်ကူးမှုတွေနောက်ကို လိုက်ရင်း လိုက်ရင်းနဲ့ သူတဖြည်းဖြည်း သိလာရတာက ဒီလုပ်ငန်းကြီးရဲ့ နောက်မှာ UN က လူတွေ ကိုယ်တိုင် ပါဝင်နေတယ်ဆိုတာပါပဲ။ သူသိလာတာတွေ တဖြည်းဖြည်း များလာတဲ့အခါမှာ ပထမအဆင့်အနေနဲ့ သူ့ကို အမေရိကားကို ပြန်ဖို့စီစဉ်တယ်။ သူလက်မခံတဲ့အခါမှာ သူ့ဆီကို ခြိမ်းခြောက်တဲ့ မက်ဆေ့ခ်ျတွေပို့တယ်။ ပြီးတော့ သူအမှုဖွင့်ဖို့ စီစဉ်ထားတဲ့ အဖြစ်အပျက်တွေကို ပိတ်ပစ်တယ်။ အခက်အခဲ မျိုးစုံတွေ့ကြုံရပါတယ်။

ဒီဇာတ်ကားထဲမှာ အမျိုးသမီးတစ်ယောက်ကနေ Kathryn ကိုပြောသွားတဲ့ စကားတစ်ခွန်းက
ငါတို့နိုင်ငံမှာ ရှိတဲ့ ယောက်ျားဦးရေ တစ်ဝက်လောက်ဟာ စစ်ပွဲကြီးထဲမှာ ပျောက်ဆုံးသွားခဲ့ရပြီ။ ဒီမိန်းကလေးတွေ ဒီကိုရောက်လာတယ်ဆိုတာ ဘယ်သူတွေအတွက်ဖြစ်မယ်လို့ မင်းထင်သလဲ  တဲ့။

ဘော့စနီးယားဆိုတာက အခုချိန်ထိ နိုင်ငံတကာ အဖွဲ့အစည်းတွေရဲ့ အထိန်းအကွပ်အောက်မှာ ရှိနေရတုန်း။ အဲ့ဒီအဖြစ်အပျက်တွေ ဖြစ်ခဲ့တဲ့ ၉၈-၉၉ ခုနှစ်တွေတုန်းက အခြေအနေတွေ ဘယ်လောက်တောင် ဆိုးဝါးလိုက်မလဲ။ ညမထွက်ရအမိန့်တွေ၊ နောက် မငြိမ်သက်မှုတွေ အများကြီးပဲ။ ညပိုင်းထွက်ရတယ် ဆိုတဲ့ လူတွေဟာ နိုင်ငံတကာ အဖွဲ့အစည်းက လူတွေရယ် နောက် ဌာနတစ်ချို့လောက်က လူတွေလောက်ပဲ။

တကယ်လဲ ဘော့စနီးယားကို လူကုန်ကူးခံရတဲ့ ကောင်မလေးတွေရဲ့ ဖောက်သည်က နိုင်ငံတကာ အဖွဲ့အစည်းက လူတွေအများဆုံးပါပဲ။ ကောင်မလေးတွေမှာ ၁၅ - ၁၆ လောက်ပဲ ရှိဦးမယ်။ သူတို့ မလုပ်ချင်တာတွေကို လုပ်ဖို့အတွက် ဖိအားပေးခံရတယ်။ ငြင်းဆန်တဲ့ ကောင်မလေးတွေကို အများရှေ့မှာ ညှဉ်းပန်းနှိပ်စက်ပြီး အနိုင်ကျင့်တာတွေ အပြစ်ပေးတာတွေ လုပ်တယ်။ အဲ့ဒီလိုအချိန်မျိုးမှာ ဒီ ဖောက်သည်ကြီးများက စီးကရက်တွေဖွာပြီး အရသာခံကြည့်နေကြတယ်ပေါ့ဗျာ။

တကယ်ဆို သူတို့တွေက ကာကွယ်ပေးရမယ့် လူတွေကို သူတို့ကိုယ်တိုင်က ရောင်းဝယ်ပြီး ပျော်ပါးနေတော့ ဒီ ကောင်မလေးတွေရဲ့ဘဝက လုံးဝ ကူရာမဲ့ပါပဲ။ သူတို့ကို အကူအညီပေးမယ့် သူနဲ့ တွေ့နေတာတောင် သူတို့ရဲ့ အခက်အခဲတွေကို ဖွင့်ပြောဖို့အတွက် သတ္တိမရှိကြတော့ဘူး။

သူရှာတွေ့ထားတာတွေ သိထားတာတွေကို ဘော့စနီးယားက UN အကြီးအကဲနဲ့ DynCorp အဖွဲ့အစည်းကို အကြောင်းကြားလိုက်တဲ့အခါမှာတော့ သူ့ကို အလုပ်ဖြုတ်လိုက်ကြပါတယ်။

သူ့ကို အလုပ်ဖြုတ်လိုက်တဲ့အကြောင်းနဲ့ ပတ်သက်ပြီး UN ရဲ့ အကြီးအကဲပြောသွားတဲ့ စကားကလဲ မှတ်သားစရာပါပဲ။

UN is very fragile . and these girls are just war whores. တဲ့။ ဟိုက်ရှားပါး........ ရေလည် လေးစားသွားပြီနော်..

ဒီဇာတ်ကားကြည့်အပြီးမှာ တွေးမိတာ တချို့ပေါ့ဗျာ.။
ငွေကြေးအရနည်းလို့လား... UN လိုအဖွဲ့အစည်းက ဝင်ငွေကောင်းပါတယ်။
 ကျွန်တော်တို့ ယောက်ျားတွေကပဲ ကာမဘီလူး သိပ်စီးနေကြလို့လား။ ကိုယ်လုပ်ရမယ့် အလုပ်တာဝန်ထက် ကိုယ့် အသွေးအသား ဆန္ဒတွေနောက်ကို တကောက်ကောက် လိုက်နေကြတာ တော်တော် အကျည်းတန်ပါတယ်။

တစ်ဖက်က ပြန်တွေးကြည့်တော့လည်း လူဆိုတာက လောဘသားကောင်တွေပဲလေ.. လွယ်လွယ်ရရင် လိုချင်တာပဲပေါ့။ များများရလေ ပိုကောင်းလေပဲပေါ့။ ဒီကောင်မလေးတွေက ကိုယ့်အမျိုးအဆွေမှ မဟုတ်ဘဲ ပြီးတော့ သူတို့လုပ်တာကို လူတွေ မသိနိုင်လောက်ဘူးထင်လို့လည်း လုပ်တာဖြစ်မယ်။

ဒါပေမယ့် ကိုယ်ချင်းစာတရားလေးတော့ ရှိသင့်တယ်။
သူတို့ရဲ့ လုပ်ရပ်တွေကို ဖော်ထုတ်မယ့်သူ ရောက်လာတဲ့အခါကျတော့ အများနဲ့တစ်ယောက် ဝိုင်းဖိကြတယ်။ မလုပ်ရင် မလုပ်နဲ့။ ငါတို့ လုပ်နေတာကိုလဲ ဝင်မရှုပ်နဲ့.. မင်း အလုပ်မပြုတ်စေရဘူးဆိုတဲ့ အထာမျိုးပေါ့။ ဒီလို အဖြစ်အပျက်မျိုးဟာ UN လိုအဖွဲ့အစည်းထဲအထိတောင် ရောက်နေတာလား။ တော်တော်ဆိုးဝါးတာပဲ။

ဒီအဖြစ်အပျက်တွေကို BBC ကနေတစ်ဆင့် တစ်ကမ္ဘာလုံးသိအောင် သူဖွင့်ပြောခဲ့တဲ့အချိန်အထိ UN ကတော့ ဒီလိုအဖြစ်အပျက်တွေ မရှိခဲ့ပါဘူးလို့ ငြင်းနေတုန်းပါပဲ။ Kathryn ကတော့ သူ ဖော်ထုတ်ခဲ့တာတွေ အတွက် အလုပ်ဖြုတ်ခံရတဲ့အပြင် တခြား နိုင်ငံတကာ အဖွဲ့အစည်းတွေမှာလည်း အလုပ်လုပ်ကိုင်ခွင့် မရတော့ပါဘူး။ ဒါပေမယ့် တစ်ခုကံကောင်းတာက သူ DynCorp ကို တရားစွဲတာ နိုင်သွားတယ် ဆိုတာပါပဲ။

အင်္ဂလိပ်လို အသေးစိတ်ဖတ်ချင်ရင်တော့ ဒီလင့်တွေမှာ ကြည့်ပါ (၁)
လင့် (၂)

နောက်ဆုံး တွေးမိတာ တစ်ခုက နိုင်ငံတကာက အကူအညီဆိုတိုင်း ကောင်းတာတွေချည်း ဖြစ်မလာနိုင်ဘူး ဆိုတာပါပဲ။ ပေါ့စေလိုလို့ ကြောင်ဆေးထိုးကာမှ ဆေးအတွက်နဲ့ လေးရတဲ့ အဖြစ်မျိုး မကြုံချင်လို့ပါ။ ဟိုး တလောတုန်းက မြန်မာနိုင်ငံတွင်းက INGO တစ်ခုက Country Director ဆိုလား။ တရုတ်ပြည်ဘက်ကို ကလေးတွေကို လူကုန်ကူးခဲ့တယ်ဆိုတဲ့ သတင်းထွက်လာခဲ့သေးတာပဲ။ လူကုန်ကူးမှုရပ်ဖို့ဆိုတာ ပိုစတာလေး ကပ်ရုံနဲ့ ပြီးသွားမယ့် ပြဿနာမဟုတ်လေတော့လဲ ခက်သား။ လူတွေ ကိုယ်ချင်းစာ တရား ပိုရှိလာမည့်နေ့ကျလျှင်တော့ ဒီကိစ္စတွေ လျော့နည်းပပျောက်သွားမှာပါဟု တွေးရုံမှတစ်ပါး...

18 April 2012

ထို့ကြောင့် နောင်တဟု ခေါ်သည်။




ကိုယ့်ကိုယ်ကို ဘာဖြစ်လို့ ဖြစ်နေမှန်းမသိအောင် ကျွန်တော့်စိတ်တွေ ရှုပ်ထွေးနေသည်။ ဘာဆိုဘာမှလဲ မလုပ်ချင်။ ဘယ်ကိုမှလဲ မသွားချင်။ ခါတိုင်းလုပ်နေကျ အလုပ်တွေကိုပင် အာရုံမစိုက်နိုင်။ ကျွန်တော့် စိတ်ထဲမှာ မတင်မကျ ဖြစ်နေသည်။ လွန်ခဲ့သော နှစ်ပတ်ကျော် သုံးပတ်ခန့်က ကျွန်တော်လုပ်ခဲ့မိသော ကိစ္စတစ်ခုကို ကျွန်တော် ဘာကြောင့် မမှတ်မိရတာလဲ။ မမှတ်မိတာမှ ဘာတစ်ခုကိုမှ မသိ။ ကျွန်တော့် သူ့ကို ဖုန်းခေါ်ခဲ့တာကို ကျွန်တော် ဘာကြောင့် မမှတ်မိရတာလဲ။ သူ့ကို ဘာတွေ ပြောခဲ့တာလဲဆိုတာကို ဘာလို့ မမှတ်မိရတာလဲ။ 

ဖုန်းထဲမှာ ရှိနေသော SMS များကို လျှောက်မဖွမိချိန်ထိ သူ့ကို ဖုန်းခေါ်မိခဲ့မှန်း ကျွန်တော် ဘာကြောင့် မမှတ်မိရတာလဲ။ ကျွန်တော့် ဦးနှောက်ထဲမှာ ရှိသော မှတ်ဥာဏ်အခန်းငယ်များက အဲ့ဒီလောက်တောင် ပျက်စီးယိုယွင်း နေခဲ့ပြီလား။ ကျွန်တော် စဉ်းစားမရစွာဘဲ အိပ်ရာပေါ် ပစ်လှဲလိုက်မိသည်။ မျက်နှာကျက်ဖြူဖြူကို ကျွန်တော် အဓိပ္ပါယ်မဲ့စွာ ငေးကြည့်နေမိသည်။   

 ထောင့်တစ်နေရာတွင်တော့ ပင့်ကူအိမ်တစ်အိမ်ကို ကျွန်တော်တွေ့သည်။ ပင့်ကူအိမ်ထဲမှာ တဖျပ်ဖျပ် လှုပ်ခါနေသည့် ပိုးကောင် တစ်ကောင်ကို ပင့်ကူမျှင်များနှင့် ရစ်ပတ်နေသော ပင့်ကူ……။ အိုး .. ကျွန်တော်သည်လည်း သံယောဇဉ် ကြိုးမျှင်တွင် အရစ်ပတ်ခံနေရသော သားကောင်လေးဖြစ်နေပြီလား။

ကျွန်တော် အမြင်အာရုံလွှာတွေကို ခဏပိတ်လိုက်သည်။ ဟင့်အင်း.. ဒီအဖြစ်ကိုတော့ အရောက်မခံနိုင်။ ဒီထောင်ချောက် ဒီလှောင်အိမ်ကနေ လွတ်မြောက်ဖို့ ကျွန်တော် ရွေးချယ်ခဲ့ပြီးပြီပဲ။ ဘာလို့လမ်းဟောင်းကို ပြန်သွားမှာလဲ။ ဖြစ်ချင်တာနဲ့ ဖြစ်သင့်တာ ကျွန်တော်ကွဲကွဲပြားပြားသိလို့ ရွေးချယ်ခဲ့ပြီးပြီလေ။ 

ဒါပေမယ့် အဲ့ဒီညက ကျွန်တော် သူ့ဖုန်းနံပါတ်ကို ဘယ်လိုလုပ် နှိပ်မိသွားတာလဲ။ 

ဘာတွေများ ပြောခဲ့မိသည်လဲ။ ပြန်စဉ်းစားမရလောက်အောင် ကျွန်တော့် ဦးနှောက်ရဲ့ ဘယ်အခန်းထဲမှာ ထိုအကြောင်းအရာတွေက ပိတ်မိနေခဲ့တာလဲ။ စိတ်မောစွာနှင့် သက်ပြင်းချမိသည်။ 

ထိုညက မှတ်မိသမျှအကြောင်းတွေကို ပြန်ပြောရမည်ဆိုလျှင် ကျွန်တော်တို့ ကျောင်းတုန်းက သူငယ်ချင်းတတွေ Mr.Bar B Q မှာ ညစာ စားရင်း ကျွန်တော် ဘီယာသောက်ခဲ့သည်။ ဘယ်နှခွက်သောက်မိသလဲ မမှတ်မိပေမယ့် တော်တော်များမည်ဆိုတာတော့ ကျွန်တော်သိသည်။ အိမ်ကို ဘယ်အချိန်ပြန်ရောက်ခဲ့သလဲဆိုတာတောင် မမှတ်မိ။ ည တစ်ရေးနိုးလို့ ရေထသောက်ချိန်မှာတော့ ခေါင်းတွေက တော်တော်ကိုက်နေပြီ။ ဒါဆို ဘယ်လောက်များသလဲ ခန့်မှန်းလို့ ရမည်ဟုထင်သည်။ နောက်တစ်နေ့မနက် အိပ်ရာထချိန်မှာတော့ ခေါင်းတစ်ခုလုံးကို ကျောက်ခဲပေါင်း အလုံးတစ်ရာနှင့် ဝိုင်းထုထားသလို နာကျင်ကိုက်ခဲနေသည်။ 

ခေါင်းအကိုက်သက်သာအောင်လို့ ဘလက်ကော်ဖီခါးခါးတစ်ခွက်ဖျော်သည်။ သံပုရာသီးတစ်စိတ် ညှစ်ထည့် သကြားများများထည့်ပြီး သောက်သည့်တိုင် ခေါင်းကိုက်က သက်သာမသွား။ ခေါင်းကိုက်သည်က နောက်တစ်နေ့အထိ မသက်သာ။ ( အရက်သောက်ပြီးလျှင် အချိုလေးနှင့် ပြန်ထိန်းရသည်ဟု သူ ပြောဖူးသည်ကိုတော့ ထိုနေ့မနက်က သတိရမိသည်။ သို့သော် သူ့ကို ညက ဖုန်းဆက်ခဲ့မှန်း လုံးဝ သတိမရသည်က ကျွန်တော့် ရွှေဥာဏ်တော် စူးရောက်ခြင်း ဖြစ်ပါသည်။ )

လူမှန်းသူမှန်းမသိအောင် မူးခြင်း၏ အကျိုးဆက်အနေဖြင့် ကျွန်တော် ထိုနေ့ညက ဘာတွေပြောခဲ့သည်ဆိုတာကို ကျွန်တော် သတိမရတော့။ ဘယ်လောက်တောင် ကောင်းလိုက်ပါသလဲ။ အသုံးမကျသည့် ကိုယ့်ကိုယ်ကို အပြစ်တင်ရုံမှ လွဲ၍ ကျွန်တော် ဘာမှ မတတ်နိုင်။ သူ့ကို ကျွန်တော်တို့၏ အရေးမပါသော ပတ်သက်မှုအကြောင်းတွေကို ထပ်ခါတလဲလဲ မပြောမိဖို့ ဆုတောင်းရုံမှ တစ်ပါး ကျွန်တော်ဘာမှ မတတ်နိုင်။ ပြောခဲ့မိသည်ဆိုလျှင်ရော ဘာလုပ်နိုင်မှာလဲ။ ကြမ်းကျွံလျှင် နှုတ်ရပေမယ့် စကားကျွံခဲ့ပြီဆိုလျှင် ပြင်ဖို့ရာ မတတ်နိုင်တော့ပြီ မဟုတ်လား။

သူ့ကို ဖုန်းဆက်မိခဲ့သည်ဆိုသည့်အကြောင်းကို လွန်ခဲ့သော ရက်ပိုင်းက SMS box ကို မမွှေခဲ့မီအချိန်ပိုင်းအထိ ကျွန်တော် မသိခဲ့ရိုးအမှန်။ အိမ်ကိစ္စတွေ၊ အလုပ်ကိစ္စတွေနှင့် ကျောင်းကိစ္စတွေကို လုံးပန်းနေခဲ့သည်မို့ ထိုအကြောင်းက တဖြည်းဖြည်း မှေးမှိန်သွားခဲ့ခြင်းဖြစ်ပါလိမ့်မည်။ အခုချိန်မှာတော့ ဘာတွေပြောခဲ့သည်ဆိုတာကို မမှတ်မိသည့်အတွက် ကျွန်တော့်စိတ်တွေ စိုးထိတ်နေမိသည်။ 

သူ့ဆီကိုပဲ ဖုန်းပြန်ဆက်ပြီး မေးရင်ကောင်းမလား ကျွန်တော်တွေးမိသည်။ ဟိုနေ့ညက ကျွန်တော် ဘာပြောခဲ့လဲ လို့ သူ့ကို ပြန်မေးရမှာ သူ့အတွက် တော်တော့်ကို ကသိကအောက်နိုင်မည်မှန်း ကျွန်တော်သိပါသည်။ စိတ်လည်း ဆိုးမည် ဟု ကျွန်တော်ထင်သည်။ ( ထင်ရုံတင်မဟုတ်ပါ.. အသေအချာ ဆိုးပါလိမ့်မည် ) သို့သော် ကျွန်တော့်ထက် အသက်ကြီးပြီး လူကြီးဆန်သော သူသည် ထိုနေ့ညက ကျွန်တော် မူးပြီး ပြောမှန်းလဲ သိပါလိမ့်မည်။ သို့အတွက် စိတ်ဆိုးချင်မှလည်း ဆိုးပါလိမ့်မည်။ အား..………….. တွေးရင်း တွေးရင် ကျွန်တော် စိတ်တွေ ပိုရှုပ်လာသည်။ ဘာလုပ်ရမှာလဲ။

လမ်းခွဲဖို့ ပြောတုန်းက ပြောခဲ့ပြီးမှ ဖုန်းတွေ ခဏခဏ ပြန်ဆက်နေသော ကျွန်တော့ကို သူဘယ်လိုထင်မလဲ။
မဖြစ်နိုင်တော့ဟု ဆုံးဖြတ်ပြီး ပြောခဲ့သော စကားများအဆုံးတွင် သူ့ဘက်က ဘယ်လိုခံစားရမလဲ ကျွန်တော် သိပ်မစဉ်းစားခဲ့ပါ။ ကျွန်တော့်ထက် သူ့ကို ပိုချစ်နိုင်သော သူ့အလိုကို လိုက်နိုင်သော သူ၏ လက်ထဲမှာ သူနေပျော်မည်ဟု ကျွန်တော်ထင်သည့်အတွက် ကျွန်တော့် ခြေလှမ်းတွေကို နောက်ပြန်လှည့်ခဲ့ခြင်းဖြစ်သည့်အတွက် လမ်းခွဲခဲ့ရခြင်းသည် ကျွန်တော်တို့အတွက် အကောင်းဆုံး ရွေးချယ်မှုဟု ကျွန်တော်ယူဆပါသည်။ လေထဲတွင် ဆောက်ခဲ့သော တိုက်အိမ်များ ပြိုလဲသည်မှာ ဓမ္မတာဖြစ်ပါသည်။ အချစ်ထက် အရေးကြီးသော အရာများ များစွာရှိသည်ဟု ခံယူထားသူမှာ သူ ဖြစ်ပါသည်။ ကျွန်တော့်ထက် အသက်အနည်းငယ်ကြီးသလို ရင့်ကျက်သော သူ သည် သိပ်ခံစားရမည်ဟု ကျွန်တော် မထင်ပါ။ 

သူ့ သူငယ်ချင်းတစ်ယောက် ပြောဖူးတာကို သတိရမိပါသည်။ ( ကျွန်တော်က သူ့ထက် ငယ်သည်ဆိုတာကို သိတော့ ပြောတာ ဖြစ်ပါလိမ့်မည် ) အခုခေတ်ကလေးတွေက သံယောဇဉ် သိပ်မထားတတ်ကြဘူး။ ဟော တစ်ယောက် ဟောတစ်ယောက် ပြောင်းသွားတာများ မြန်လွန်းလို့ တဲ့။ အဲ့ဒီလို ကောင်လေးတစ်ယောက်လို့ ပဲ ထင်ချင် ထင်ပါစေတော့။ 

ကျွန်တော် သူ့ကို ဖုန်းထပ်မဆက်ချင်တော့။ မဆက်ရဲတော့တာဆိုလျှင် ပိုမှန်ပါလိမ့်မည်။ အခုလက်ရှိ အခြေအနမှာ ကျွန်တော် နေပျော်ပါသည်။ (နည်းနည်း ဟာတာတာဖြစ်နေတာကလဲ နောက်ဆို အသားကျသွားမှာပါဟု မျှော်လင့်ရပါသည်။ ) သူသည်လည်း နေပျော်ပါလိမ့်မည်။ ကျွန်တော် သူ့ကို သတိရလျှင် သူ့ Facebook Page ကို သွားကြည့်ရင်း အလွမ်းဖြေနိုင်ပါသည်။ သူ ကျွန်တော့်ကို သတိရလျှင်လည်း ကျွန်တော့် Page ကို ဝင်ကြည့်လို့ရသည်ပဲ။

သူ့ကို ဖုန်းပြန်ဆက်သင့် မဆက်သင့်ကတော့ ကျွန်တော် ဝေခွဲလို့ မရဖြစ်နေတုန်း………………။

တစ်ခုတော့ တွေးမိသည်။ နောက်ဆို အရက်ဘီယာ သောက်လို့ မဖြစ်တော့ဘူး…. ဆိုတာပင် ။

16 April 2012

ပတ္တမြားမြေသို့..


                     
 

မပြန်တာကြာပြီဖြစ်သော ကျွန်တော့် ဇာတိမြေသို့ ပြီးခဲ့သည့်လက ကျွန်တော်အပြန်ရောက်ခဲ့ပါသည်။ ကျွန်တော့် ညီဝမ်းကွဲ ရှင်ပြုအတွက် ရန်ကုန်မှ မိသားစုဝင်များ ကိုယ်စား တက်ရောက်ပေးခြင်းဖြစ်ပါသည်။ အမှန်အတိုင်းပြောရလျှင် ကျွန်တော် မိုးကုတ်သို့ မပြန်ဖြစ်ခဲ့သည်မှာ တော်တော်ကြာနေပါပြီ။ မှတ်မှတ်ရရ ၂၀၀၈ ခုနှစ်က နောက်ဆုံး ပြန်ခဲ့သည်ဟု ထင်သည်။ မိုးကုတ်ပြန်လျှင် ရန်ကုန်မှ မန္တလေး၊ ထိုမှတဆင့် ကားပြောင်းစီးရသည်ဖြစ်ရာ အချိန်ကုန်လှသည်။ 

၂၀၀၂ ခုနှစ် ဆယ်တန်းဖြေပြီးချိန်မှစ၍ ရန်ကုန်တွင်သာ အနေများခဲ့သည်။ ကျောက်ဆည်တွင် ကျောင်းတက်ခဲ့သည့် ၆ နှစ်တာ ကာလတွင်လည်း ကျောင်းပိတ်လျှင် မိုးကုတ်သို့ မပြန်ဖြစ်ခဲ့ဘဲ ရန်ကုန်သို့သာ ပြန်လာဖြစ်ခဲ့သည်။ မှတ်မှတ်ရရ ၂၀၀၂ မှ ၂၀၁၂ခုနှစ်အတွင်း ဆယ်နှစ်တာ ကာလတွင် ကျွန်တော် မိုးကုတ်သို့ ပြန်ခဲ့သည့် အကြိမ်က လက်ချိုးရေ၍ ရနိုင်သည်။ ငါးကြိမ်ခန့်သာရှိမည်ဟုထင်သည်။ ပုံမှန်အချိန်တွင် ကျွန်တော့်ကို မိုးကုတ်ပြန်မလားဟု လာမေးပါက ခေါင်းခါ၍ ငြင်းမိမြဲ။ မပြန်လိုခြင်းမဟုတ်သော်လည်း မိုးကုတ်တွင် ကျွန်တော်နှင့် သက်ဆိုင်သော အရာများက မရှိသလောက်ပင်ဖြစ်ရာ ပြန်ခြင်း မပြန်ခြင်းသည် ဘာမှ ထူးခြားမလာဟု ကျွန်တော်ထင်သည့်အတွက် မပြန်ဖြစ်ခဲ့။ 

သို့သော် ယခု ကျွန်တော့်ညီလေးဝမ်းကွဲ ရှင်ပြုအတွက် သွားရမည့်သူက ကျွန်တော်မှလွဲ၍ မည်သူမှမရှိ။ အဘွားနှင့် အကိုက သွားချင်သော်လည်း အဘွားကို ခရီးပန်းမည်စိုးသောကြောင့် မသွားစေလို။ အကိုကတော့ အလုပ်မအား။ ကျွန်တော်လည်း မအားပါ။ သို့သော် ကျွန်တော့်အကိုအလုပ်ထက်စာလျှင် တာဝန်သိပ်မကြီးသည့်အတွက် ကျွန်တော် လာမည်ဟု မိုးကုတ်အိမ်ကို အကြောင်းကြားလိုက်သည်။ ပြန်ရမည့်ရက် နီးကပ်လာလေလေ စိတ်လှုပ်ရှားလေဖြစ်သည်။ နောက်ဆုံးပြန်ဖြစ်ခဲ့သည့်အချိန်နှင့် ယခုအချိန်ကြား လေးနှစ်မျှ ခြားနေခဲ့ပြီ။ ကျွန်တော်ငယ်စဉ်က သိခဲ့သော မိုးကုတ်နှင့် ယခုမိုးကုတ် ဘာတွေ ကွာခြားနေမလဲ ကျွန်တော်သိချင်လှသည်။

မတ်လ ၂၂ ရက်နေ့ ညတွင် မန္တလေးသို့ ကျွန်တော်ထွက်ခဲ့သည်။ ကျွန်တော့် ညီမဝမ်းကွဲ (ရှင်ပြုမည့် ညီ၏ အစ်မ) လဲ ပါသည်။ မတ်လအတွင်း မန္တလေးသို့ ဒုတိယအကြိမ် ခရီးသွားခြင်းဖြစ်ပါသည်။ မန္တလေးရှိ သူငယ်ချင်းကို လာကြိုရန်ဖုန်းဆက်သည်။ မနက် ၆ နာရီခန့်တွင် ကျွဲဆန်ကန် ကားဝင်းသို့ ရောက်သည်။ သူငယ်ချင်းလာအကြိုကို ခဏမျှ စောင့်လိုက်ရသည်။ ပြီးတော့ ညီမလေးကို သူ့သူငယ်ချင်းအိမ်လိုက်ပို့ပြီး ကျွန်တော်တို့ လက်ဘက်ရည်ဆိုင်မှာ မနက်စာ စားကြသည်။ ပြီးတော့ ကျွန်တော်တို့ ကျောက်ဆည်နည်းပညာတက္ကသိုလ်သို့ ခရီးဆက်ခဲ့ကြသည်။ ပထမတစ်ခေါက် လာစဉ်က မပြီးပြတ်သေးသော ကျောင်းကိစ္စများကို အပြတ်ဖြတ်မည်ဆိုသော စိတ်ကူးများနှင့် အမိကျောင်းတော်ကြီးသို့ ချီတက်ခဲ့ပါသည်။ ဒီနေ့ပြီး နက်ဖြန်မနက် မိုးကုတ်တက်မည်ပေါ့။

တစ်ခါတစ်ရံတွင် ဖြစ်တတ်ပါသည်။ ကံသည် ကြံဖန်ပြီး ဆိုးတတ်ပါသည်။ မော်ကွန်းထိန်းထံရောက်တော့ ပြီးခဲ့တစ်ခေါက် တင်ထားခဲ့သော ကိစ္စတွေက မပြီးသေး။ ခုမှ စလုပ်ရသည်။ သွားပါပြီ။ Grading နဲ့ GPA ထုတ်တာ ဒီလောက်ခက်ခဲမှန်း သိခဲ့လျှင် ကျောင်းပြီးကတည်းက တစ်ခါတည်း ထုတ်ပါသည်။  ပြီးတော့ စာသွားစီတော့ စာစီစာရိုက်လုပ်ပေးသည့် ဆရာမက စာမေးပွဲအခန်းစောင့်ကျသည်တဲ့။ နက်ဖြန်မှ လာယူပါတဲ့။ မတတ်နိုင်တော့။ မိုးကုတ်ကို တစ်ရက်နောက်ကျမှ သွားရတော့မှာပေါ့လေဟု တွေးဖြေသိမ့်သည်။ မန္တလေးပြန် ညအိပ် နောက်တစ်နေ့မနက် ကျောက်ဆည် ပြန်လာရန် အားမွေးသည်။

နောက်တစ်နေ့ မနက်မှာ စိုင်းစိုင်း၏ သူငယ်ချင်းတစ်ယောက် ဖုန်းဆက်လာသည်။ သူကလဲ AIT တွင် ကျောင်းလျှောက်မည်တဲ့။ စိုင်းစိုင်းကို မော်ကွန်းထိန်းထံမှ recommendation တောင်းခဲ့ပါဟုဆိုသည်။ အင်းလေ ဘယ်တတ်နိုင်မလဲ ကိုယ်က ကျောက်ဆည်ရောက်နေပြီပဲ လုပ်ပေးရမှာပေါ့။ မနေ့က တင်ထားခဲ့သော Grading နှင့် GPA စာရွက်စာတမ်းများကို စစ်ဆေးပြီးတော့ သူငယ်ချင်းအတွက် recommendation ရေးပေးရန် ဆရာမကို ဘယ်လိုပြောရမလဲ စဉ်းစားသည်။ စိုင်းစိုင်းဆီမှာတော့ စာတွေက စုံနေပြီ။ သို့သော် မော်ကွန်းထိန်းဆီက တောင်းခဲ့ခြင်း မဟုတ်။ သူငယ်ချင်းအတွက် တောင်းပေးပြီး ကိုယ်ကျတော့ မတောင်းဘူးဆိုလျှင် ဆရာမ တစ်မျိုးတစ်မည် ထင်သွားမည်ကိုလဲ စိုးပါသည်။ ထို့အတွက် မထူးပါဘူးလေဟု တွေးပြီး နှစ်စောင်တောင်းလိုက်သည်။ ပြဿနာက ဒီမှာ ထပ်စပါသည်။ သား နောက်တစ်ပတ်မှ လာယူလိုက်တော့တဲ့။ စိုင်းစိုင်း ဆံပင်မွေးတွေ အားလုံးထောင်သွားသလို ခံစားလိုက်ရသည်။ ဘာလို့ ဒီကျောင်းကို ခဏခဏ လာနေရပါလိမ့်နော်.. စိတ်က တိုစပြုသည်။ မိုးကုတ်က ပြန်လာလျှင် ကျောက်ဆည် မဝင်ချင်တော့။ မန္တလေးမှာ ခဏနားပြီး ညကားစီးပြီး ရန်ကုန်ကို တန်းဆင်းမည် စိတ်ကူးထားသည်များက အခုတော့ သွားပါပြီ။ အင်း.. သူငယ်ချင်းကို ယူခိုင်းလို့ရမှာပါလေဟု စဉ်းစားကာ ဟုတ်ကဲ့ဟု ခေါင်းညိတ်ခဲ့လိုက်သည်။

ည မန္တလေးပြန်ရောက်တော့ မိုးကုတ်ကားဂိတ်သို့ ကားလတ်မှတ်သွားဖြတ်သည်။ လာကြိုရမည့် နေရာပြောပြီးသည့် နောက် ၂၄ လမ်းမှ သူငယ်ချင်းတစ်ယောက်ထံဝင်သည်။ စကားနည်းနည်းပါးပါးပြောပြီး ညကျမှ ထပ်တွေ့ရန် ချိန်းလိုက်သည်။ အိမ်ပြန် ရေမိုးချိုးပြီး မန္တလေးသို့ နောက်တစ်ခေါက် ထပ်ချီတက်ကြသည်။ ရွှေခိုင်အကင်ဆိုင်တွင် အကင်စား၊ အချိုရည်သောက် ထွေရာလေးပါး လျှောက်ပြောပြီး ည ၉ နာရီလောက်မှာ အိမ်ပြန်သည်။

နောက်တစ်နေ့ (၂၄) ရက်နေ့ မနက် ၇ ခွဲတွင် ကားလာကြိုသည်။ ဗင်ကားထဲတွင် ဘုန်းကြီးသုံးပါး၊ ကားမောင်းသူနှင့် စိုင်းစိုင်း။ ဘုန်းဘုန်းသုံးပါးပြောသော အကြောင်းအရာများကို နားလည်တစ်ချက် မလည်တစ်ချက် နားထောင်ပြီး မိုးကုတ်သို့ ဦးတည်ခဲ့သည်။ ဘုန်းဘုန်းတို့ပြောသော အကြောင်းအရာများကတော့ မ ဟ န ဆိုလား ဘာလား၊ နောက် ရွှေညဝါ ဆရာတော်အကြောင်းလဲပါသည်။ ရှင်ဂမ္ဘီရအကြောင်းတွေလဲပါသည်။ နောက် တခြား ဘာသာတွေနှင့် ဗုဒ္ဓဘာသာ တွေ၏ ကွာခြားပုံတွေကို ကြားရသည်။ ထူးထူးဆန်းဆန်း ဘာသာခြားတစ်ယောက်က သူ့ကျောင်းပိုင်မြေကို ကာကွယ်ပေးသည့်အတွက် အဆိုပါပုဂ္ဂိုလ်ကို ကျောင်းထိုင်ဘုန်းကြီးက ရပ်ရွာအကျိုးဆောင်အဖြစ် ထောက်ခံပေးသည်တဲ့။ မြတ်စွာဘုရား… ဘာတွေများဖြစ်ကုန်ပြီလဲ။ ခြေလှမ်းသွက်လှချေလား ဘာသာခြားတွေက။ ထားပါတော့လေ။

မနက် ၇ နာရီခွဲကတည်းက ထွက်လာသော ကားသည် နေ့လည် ၂ နာရီသာသာခန့် တွင်တော့ စိုင်းစိုင်း၏ အဒေါ်အိမ်ရှေ့တွင် ဆိုက်ပါသည်။ အထုပ်တွေဆွဲပြီး ကားပေါ်က ဆင်းသည်။ အိမ်ခြံဝင်းတံခါးရှေ့အရောက်တွင် စိုင်းစိုင်း၏ ညီဝမ်းကွဲကလေး အပြေးလေး လာကြိုသည်။ သူသည် စိုင်းစိုင်းကို တစ်နေ့လုံးမျှော်နေခဲ့သည်ဟု ဦးလေး ပြောသည်တွင် စိုင်းစိုင်း စိတ်မကောင်းဖြစ်ရသည်။ မျှော်ရတာ ဘယ်လောက်မောတယ်ဆိုတာ စိုင်းစိုင်းသိပါသည်။ ညီလေးကို ခေါ်ပြီး ဈေးထဲရှိ အဒေါ့်ဆိုင်သို့ ရောက်ပြီဆိုသည့်အကြောင်း သွားပြောရသည်။ ယခင်က စည်ကားလှသည့် ဈေးကြီးသည် အခုချိန်တွင် လူခပ်ကျဲကျဲသာ ရှိတော့သည်ပဲ။ ဆိုင်နီးနားချင်းတွေက စပ်စုသည့် အကြည့်များနှင့် စိုင်းစိုင်းကို လှမ်းကြည့် ကြသည်။ အဒေါ်က ဒါ ကျွန်မ သားအကြီးဆုံးလေ ဟု ခပ်နောက်နောက်ဆိုသည်။ ကျွန်တော့်စိတ်ထဲတွင် အမေ့ကို သတိရမိသည်။ အမေ့နောက်တွင် အဖေသည် ကပ်ပါလာသည်။ အဖေသည်လည်း ကျွန်တော့်ကို မျှော်နေမှာပဲ။ 

သာသနာ့ဘောင်သို့ အဖေဝင်ရောက်ခဲ့တာ လေးငါးနှစ်မျှ ရှိပြီပေါ့။ သို့သော် အဖေသည် အဖေပါပဲ။ အဖေသည် မတွေ့တာ ကြာပြီဖြစ်သော ကျွန်တော့်ကိုတွေ့လျှင် ပျော်ရှာပါလိမ့်မည်။ အဒေါ့်ကို ရွာသွားပြီး အဖေနဲ့သွားတွေ့လိုက်ဦးမယ်ဟု ခွင့်ပန်တော့ အဒေါ်က သုံးနာရီတောင်ထိုးတော့မယ်.. ညမိုးမချုပ်ခင်တော့ ပြန်လာခဲ့ ဟု ပြောပြီး ခွင့်ပြုသည်။ ကျောပိုးအိတ်ကောက်လွယ်ပြီး ကျွန်တော် ဆိုင်ကယ်တက်စီ တစ်စီးငှားလိုက်သည်။ ကားလမ်းတစ်လျှောက် တွေ့ရသော မြင်ကွင်းများသည် အရင်ကနှင့် သိပ်ပြီးကွာခြားသွားသည်မရှိ။ ကျွန်တော့်စိတ်တွေ ရွာဆီသို့ အရင်ရောက်နှင့်နေခဲ့ပြီ။ ရွာမှာ ဘယ်လိုပြောင်းလဲမှုတွေကိုများ မြင်ရမှာပါလိမ့်. ကျွန်တော် သိပ်သိချင်ပါသည်။ 

 ဒါက မိုးကုတ်မြို့၏ ကျက်သရေဆောင် ချမ်းသာကြီးဘုရားဖြစ်ပါသည်။ တပို့တွဲလဆိုလျှင် ချမ်းသာကြီး ဘုရားပွဲကို နှစ်စဉ်ကျင်းပလေ့ရှိသည်။


ယခု ဖူးတွေ့ရသည်က ဖောင်တော်ဦးမြတ်စွာဘုရားကိန်းဝပ်စံပယ်ရာ ကျောင်းတော်ဖြစ်ပါသည်။  ချမ်းသာကြီးဘုရားပွဲအပြီး တပေါင်းလဆိုလျှင် ဖောင်တော်ဦးဘုရားပွဲကို ဆက်တိုက်ဆိုသလို ကျင်းပလေ့ ရှိပါသည်။ ငယ်ငယ်တုန်းကတော့ အဆိုပါ ဘုရားပွဲတွေရောက်လျှင် အမြဲ ပျော်ဖို့ကောင်းခဲ့သည်ကို အမှတ်ရမိပါသေးသည်။

7 April 2012

တို့မေမေ


ဒီနေ့ သမီးမွေးနေ့မှာ အရင်ဆုံး သတိရမိတာ အမေ့ကိုပါ။သမီးအရွယ်ဆိုရင် အမေက သမီးတို့ မောင်နှမ ငါးယောက်ကို မွေးပြီးပြီပေါ့နော်။

ကောင်းနိုးရာရာလေးတွေ အမျိုးမျိုးချက်ကျွေးပြီး ကျောက်အရောင်းအ၀ယ်လုပ်ရင်းနဲ့ မိသားစု ထမင်းအိုးကို ဖြည့်ပေးခဲ့တဲ့ အမေ......

မမကြီးနဲ့ အတူတူ မိုးကုတ်၊မန္တလေး၊ရန်ကုန်၊တောင်ကြီး၊မုံရွာ အို... အစုံပါပဲ လှည့်သွားနေရတာ။ခရီးကပြန်လာရင်လည်း စုံနေအောင် ၀ယ်ခဲ့ပေးတတ်သေးတယ်။သမီးစာမေးပွဲ ဖြေတဲ့ အချိန်တွေတိုင်း အိမ်မှာ အမေမရှိတာ များတော့ စိတ်ကောက်ခဲ့မိတဲ့ သမီးကို ခွင့်လွှတ်ပေးပါနော်...
 
ငယ်တုန်းက နားမလည်တတ်သေးလို့ပါ။
 
ပစ္စည်းရောင်းရပြီးရင်လည်း ငွေစောင့်နေရတတ်တာမျိုးရှိတယ်လေ။ကြီးမှ နားလည်တာ။
၇တန်း-၈တန်းအရွယ်မှာ အမေရောဂါစဖြစ်တာသိရတော့ ငါတို့ကို ထားခဲ့တော့မှာလားဆိုတဲ့ အတွေးတွေနဲ့ ဆောက်တည်ရာမရခဲ့ပါဘူး။
 
သားအိမ်ကင်ဆာ.......ကုလို့ ပျောက်ပြီးပြန်တော့.......ဆီးအိမ်မှာ ကျောက်တည်ပြန်ပြီတဲ့။
 
လက်ဝတ်ရတနာတွေ သမီးတို့ မ၀တ်ရလည်း ကိစ္စမရှိပါဘူး အမေ.........
 
အမေ့အသက်လောက် ဘယ်ဟာက အဖိုးထိုက်တန်စရာရှိမှာလဲ။ဒါတွေကို ရောင်းချပြီး အမေ့ကို ဆေးကုခဲ့ရတာတွေအတွက် စိတ်မကောင်းဖြစ်စရာမရှိပါဘူး။သူငယ်ချင်းတွေက မေးကြတယ်။နင့်နာမည် ၀ိုင်းချစ် ဆိုတာ M.I.T ရောက်မှ ဒီနာမည်တွင်တာလားတဲ့။
 
မဟုတ်ပါဘူးဟ ငါ့အမေပေးခဲ့တဲ့ နာမည်ပါ လို့ အမြဲတမ်း ကြွားပြောလေးပြောခဲ့ရတာပေါ့။အမေ ပေးခဲ့တဲ့ နာမည်ပဲ ခေါ်ကြတာ များတယ်နော်။မှတ်မှတ်ရရဆိုလို့ M.I.T 2nd Batch က မမိုးနီ တစ်ယောက်ပဲ ခေါ်တာ မြသီတာ တဲ့။
6နှစ်တက်ရမယ့် အင်ဂျင်နီယာဘွဲ့ကို ဆယ်တန်းအောင်တဲ့ 1991 မှ ဘွဲ့ရ 2001 အထိ(ဖွင့်လိုက် ပိတ်လိုက်နဲ့)ဆယ်နှစ် သက်တမ်းလောက် တက္ကသိုလ်တက်ခဲ့ရတာ အမေသာ အားမပေးခဲ့ရင် အင်ဂျင်နီယာ ဖြစ်လာနိုင်စရာ ဘယ်ရှိမှာလဲ။

အဆောင်နေကျောင်းသူသမီးထွေးကို ထမင်းစားမကောင်းမှာစိုးလို့ ဆိုပြီး တစ်လနှစ်ခါလောက် ဟင်းမျိုးစုံလုပ်၊ပါဆယ်ထုပ်နဲ့ ပို့ပေးခဲ့တာ အမေ့လက်ရာကို သူငယ်ချင်းတွေနဲ့အတူတူ ဝေမျှလို့စားခဲ့ပါတယ်။
သမီးအပေါ်မှာ အများကြီးကျေးဇူးကြီးခဲ့တဲ့ အမေ............

သမီးဝါသနာပါတာ Architecture ။အမေက သူနားလည်သလို ပြောတာ ဦးထုပ်အ၀ါတွေဆောင်းပြီး အလုပ်လုပ်ရတဲ့ အရာရှိကြီး
ဖြစ်စေချင်တာတဲ့လေ။အမေ စိတ်ချမ်းသာဖို့ အတွက်ကော နောက်ပြီး ၀ါသနာပါသော်လည်း စရိတ်စကကြီးလှတဲ့ Architecture သမီး မရွေးခဲ့ပါဘူး။သမီးအတွက်နဲ့ ၀န်ပိုတွေ ပိနေမှာ စိုးလို့ပါ။
 
ဒါပေမယ့်လည်း အမေဖြစ်စေချင်တဲ့ အရာရှိကြီး မလုပ်ပေးနိုင်တဲ့အတွက်ရော အမေသိပ်ပြီး သဘောမကျတဲ့ သမက်လောင်းကိုရွေးချယ်မိခဲ့တဲ့ သမီးရဲ့ အပြစ်တွေကို အမေ နားလည်ခွင့်လွှတ်ပေးပါနော်။

အင်္ဂလိပ်ဆေးနံ့နဲ့ ဗမာလိမ်းဆေးနံ့တွေ ရောပြွမ်းနေတဲ့ အမေ့ရဲ့ အခန်းလေးထဲမှာ ခလေးဘ၀ကစပြီး အိမ်ထောင်မကျခင်အထိ
အမေ့ကျောကို နောက်ကနေသိုင်းဖက်ပြီး အိပ်ခဲ့ရတဲ့ အရသာမျိုး ဒီတစ်သက်မှာ သမီးမရနိုင်တော့ပါဘူး။

(26.3.2001)မင်္ဂလာဆွမ်းကျွေးပြီး လူကြီးမိဘတွေ ကန်တော့ကြတော့ အမေ မျက်ရည်ကျနေပါပြီ။
ခေါင်းမမော့ရဲခဲ့ပါဘူး အမေ။အမေ သမီးအတွက်နဲ့ မျက်ရည်ကျနေရပြီနော်။အမေ့ စိတ်ထဲမှာ သမီးထက် အသက်(12)နှစ်ကြီးတာ၊
အသက်မွေးဝမ်းကျောင်းမတူတာ(သွားဆရာဝန် နဲ့အင်ဂျင်နီယာ)၊စကားကို ရေလည်ပတ်စေ့ မပြောတတ်တဲ့ အမေ့သားမက်လောင်းကိုကြည့်ပြီး လိုအပ်ချက်တွေများနေမှာပါ။သူဌေးသားကို ယူရင် အမေ့ သမီးကို နှိမ်လိမ့်မယ် အမေ။မမကြီးက သျှောင်နောက်ဆံထုံးပါသွားရပြီကော။ အမေနေမကောင်းတဲ့အခါတိုင်းမှာ သမီးက အနီးကပ်စောင့်ရှောက်နိုင်ပါရစေ။

အမေ မငိုပါနဲ့ သမီးအတတ်နိုင်ဆုံးကောင်းအောင် ကြိုးစားပြီးနေထိုင်သွားပါ့မယ်။ယုံကြည်ပေးပါ လို့ စိတ်ထဲမှာ တတွတ်တွတ် ရွတ်နေမိခဲ့ပါတယ်။သူလည်းပဲ သမီးကို ဘ၀ကြင်ဖော်လိုတစ်မျိုး၊ညီမလေးလိုတစ်မျိုး စောင့်ရှောက်နေပါတယ်။ကုသိုလ်တွေလည်းတတ်နိုင်သမျှ အတူတူလုပ်နေကြပါတယ် အမေ။

Architect သူငယ်ချင်းတွေ သူတို့အမြင်နဲ့ သိပ်သဘောကျမှာ မဟုတ်သော်လည်း သမီးတို့ကိုယ်တိုင် သေချာစဉ်းစားပြီး ဆောက်ခဲ့တဲ့နေပျော်တဲ့ အိမ်လေးတစ်လုံး ဆောက်လုပ်လို့ ပြီးစီးသွားပါပြီ။
အမေ စိတ်အေးပါတော့..........။

စာဖတ်တာနဲ့အိမ်မှုကိစ္စ၀ါသနာပါတာ၊ဇာထိုးပန်းထိုးနဲ့ စက်ချုပ်တာ၊သူတစ်ပါးကို ကောင်းကောင်းမွန်မွန် ချက်ပြုတ်ကျွေးချင်တာ၊
စပယ်ပန်း၊မြတ်လေးပန်း၊နှင်းဆီပန်းကစပြီး ပန်းလေးတွေကို နှစ်သက်တတ်တဲ့ နူးညံ့တဲ့ စိတ်ထားလေးတွေ အမေ့ဆီကနေ သမီးအမွေရခဲ့တာပါ။ကျေးဇူးအတင်ရဆုံးကတော့ ငယ်စဉ်ကတည်းက ၀ိပဿနာတရားအားထုတ်တတ်အောင် လေ့ကျင့်ပေးခဲ့တာပါပဲ။

သမီးသားလေး မွေးလာတော့ ခလေးအိပ်နေလည်းပဲ ပွေ့ထားရင်းနဲ့ တစိမ့်စိမ့် ငုံ့ကြည်နေမိတယ်အမေ။ 
ခလေးအဖေက အောက်မှာ ချသိပ်လိုက်ပါတော့ လက်လည်းညောင်း၊ဇက်လည်းညောင်းလိမ့်မယ်တဲ့။ 
သမီး စိတ်ထဲမှာ တွေးနေမိတာက
 အော်...ငါတို့အမေ ငါတို့ငယ်တုန်းက ဘယ်လောက်များချစ်ရှာလိမ့်မလဲ၊ဒီလိုခြေဖ၀ါးသေးသေးလေးတွေက စပြီး ငါတို့ မောင်နှမငါးယောက်စလုံးကို ပြုစုစောင့်ရှောက်ခဲ့ရတာ ဘယ်လောက်ပင်ပန်းရှာမလဲလို့ပါ။ကိုယ်တိုင်သားသမီးရလာမှ မိဘကျေးဇူး နဲ့ မိဘမေတ္တာကို ပိုပြီးနားလည် လာခဲ့ရပါတယ် အမေ။

အမေက ကျွန်မသမီးက အင်ဂျင်နီယာလေ မကြာခဏပြောတတ်တော့ အမေကလည်း ဒါကြီးပဲ ပြောမနေပါနဲ့တော့။အမေ့ဟာ
ကြွားသလိုမျိုးကြီးဖြစ်နေပြီလို့ သမီးပြောခဲ့ဖူးတယ်နော်။သားသားလေး သူငယ်တန်းစာမေးပွဲ ပထမပတ်မှာ အဆင့်ထွက်လာတော့(1)တဲ့ သမီးမှာ ပျော်လိုက်ရတာ။အခုမှ ဗျည်းအက္ခရာ(၀လုံး၊ကကြီး၊ခခွေး)လေးရေးရတာကို ငါ့သားလေးတော်လိုက်တာဆိုတဲ့ ခံစားမှု။
 
သမီးအမေတို့ အဘတို့ ခံစားမှုကို နားလည်ပါပြီ။မိဘတိုင်း မိဘတိုင်းဟာ ဒီလိုပါပဲလား။
သားသားမီးဖွားပြီး မကြာခင် အမေ အသည်းခြောက်ရောဂါ စဖြစ်တာပဲနော်။ဆရာဝန်တွေက အခြေအနေ မကောင်းကြောင်း ခေါ်ပြောတော့ ဘယ်လောက်အထိခံစားခဲ့ရတာလဲ..........ကုလို့မလွယ်တဲ့ရောဂါတဲ့လေ။
ဒါပေမယ့် သားသမီးတွေ အပြုစုကောင်းလို့ဆိုပြီး အထူးကုဆရာဝန်ကြီးတွေ ချီးမွမ်းခဲ့ရတဲ့အထိ သမီးတို့နဲ့ အတူတူ (6)နှစ်ကျော်နေသွားပေးခဲ့တာ ကျေးဇူးပါအမေ။

အင်ဂျင်နီယာအလုပ်နဲ့ ရတဲ့ပိုက်ဆံ အမေတို့ဆီ ပြေးပြီး လာကန်တော့ခဲ့ရတာ အရမ်းကို ပျော်ရွှင်ခဲ့ရပါတယ်။အမေမရှိတော့တဲ့နောက် ဒီလိုခံစားမှုမျိုး သိပ်မရှိတော့ပါဘူး။အမေဆုံးခါနီး သမီး အမေ့လက်ကို ကိုင်ထားပေးစမ်းပါ တဲ့။သမီးက ကြည့်စမ်း အမေ့လက်ကလေး တွေဟာလေ နူးညံ့နေတာပဲ သူဌေးလက်ဆိုတာ ဒါမျိုးနေမှာ၊သမီး လက်တွေကတော့ အိမ်မှုကိစ္စ လုပ်ရလွန်းလို့ ကြမ်းနေပါပြီ လို့ ချစ်စနိုးစတော့ ညည်းကလေ စကားများလိုက်တာအေ။ကိုင်သာ ကိုင်ထားစမ်းပါတဲ့။
အမေ့ လက်ကလေးတွေဟာ တကယ့်ကို နွေးထွေးနူးညံ့နေလိုက်တာ ၀ါဂွမ်းလေးလိုပါပဲ။ခံစားမိတာကတော့ တို့မေမေ အားလျှော့နေပါပြီ။ငါးရက်လောက်နေရင် သမီးတို့ကို ခွဲသွားမယ်မှန်းမှ မသိတာ။ဒီလိုမှန်းသာသိခဲ့ရင် သမီး မလွတ်တမ်း ဆုပ်ကိုင်ထားမိ မှာပါ။အမေ ဘယ်လောက်တောင် ကြောက်နေရှာမလဲ....................။

(19.1.2009)ည ရှစ်နာရီလောက်မှာ အမေ့ခမျာ သေမင်းနဲ့ စစ်ထိုးနေရပါပြီ။ကိုယ်တိုင်ဝင်ပြီး ခံစားပေးလို့ရရင် ခံစားပေးချင်လိုက်တာ အမေရယ်။ဘ၀ဆက်တိုင်း နာတာရှည် ရောဂါမျိုးနဲ့ ကင်းဝေးပါစေတော့လို့လည်း ဆုတောင်းနေမိပါတယ်။သမီးရဲ့ သရဏဂုံကို ပါဠိနဲ့အနက် ရွတ်ဆိုသံများ အသိပေးတရားစကားများ
နားထောင်ရင်းနဲ့ ည ရှစ်နာရီတိတိမှာ အမေငြိမ်သက်သွားပါပြီ။

လူတစ်ယောက်သေဆုံးတာ တစ်ခါမှ မမြင်ဖူးခဲ့တာ.........
ကိုယ့်အမေတစ်ယောက်လုံး ကိုယ့်လက်ပေါ်မှာ ဆုံးသွားတာ သမီးတစ်သက် စိတ်ထိခိုက်ရဆုံးပါပဲ။
ဟုတ်တိပတ်တိနဲ့ တရားစကားတွေ တတွတ်တွတ်ပြောပေးလိုက်နိုင်တဲ့အတွက်လည်း ၀မ်းသာဝမ်းနည်းကြီး ဖြစ်ခဲ့ရပါတယ် အမေ။

အမေ့ ရုပ်ကလာပ်ကို နှင်းဆီပန်းရောင်စုံများနဲ့ ဝေေ၀ဆာဆာ
နောက်ဆုံးပူဇော်ခဲ့ပါတယ်။

ကောင်းမွန်စွာမီးသင်္ဂြုလ်ပြီးတဲ့ အမေ့ရဲ့ အရိုးပြာအိုးကို အမေတို့ဇာတိမြေ မိုးမိတ်ကို သယ်သွားပြီး နှာမောင်းချောင်းမှာ သွားမျှောခဲ့ကြပါတယ်။မိုးကုတ်-မိုးမိတ်မှ သံဃာအပါး(80)ခန့်ကို သင်္ကန်း၊န၀ကမ္မနဲ့ လှူဖွယ်ပစ္စည်းအစုံကို အမေ့အတွက် ရည်စူးလို့ လှူဒါန်း-အမျှအတန်းဝေခဲ့ကြပါတယ် အမေ။

အရိုးပြာအိုး မျှောတဲ့နေ့က အဘဟာ ဘယ်လောက်အထိ စိတ်ထိခိုက်နေလဲဆိုတာကြည့်ရင်းနဲ့ ငါတို့မှာ မိဘနှစ်ပါး မစုံတော့ဘူး၊
အဘကို ပိုဂရုစိုက်ရတော့မယ် ဆိုတဲ့ အသိတွေလည်း ၀င်မိပါတယ်။အဘဟာ ပန်းရောင် ဖဲပုဝါလေးနဲ့ ထုပ်ထားတဲ့ အမေ့ရဲ့ အရိုး
ပြာအိုးလေး နှာမောင်းချောင်းထဲ တလှိမ့်လှိမ့် မျှောသွားတာကို ငေးကြည့်နေပါတယ်။ 

အဘ ဘာတွေ တွေးနေမလဲ......အမေဟာသူနဲ့အတူတူ အကောင်းအဆိုးလောကဓံအမျိုးမျိုးကို (45)နှစ်ကျော်အောင် ကျော်ဖြတ်ခဲ့ကြတာ။သူ့ဇနီးသည်ရဲ့ နောက်ဆုံးခရီးကို ချောင်းစပ်ဘေးမှာ ငုတ်တုတ်ထိုင်လို့ အတွေးနယ်ချဲ့နေပါတယ်။အမေ ဆုံးပြီး သုံးရက်လောက်နေတော့ မိုးကုတ်မှာ အချိန်အခါမဟုတ်
လေတွေတိုက်ပြီး မိုးတွေ တ၀ုန်းဝုန်းရွာပါတယ်။

အိပ်ယာထဲကနေ ငါ့အမေ ဘယ်ဘ၀ရောက်နေပါလိမ့် ၊မိုးလုံတဲ့နေရာ၊လေကွယ်တဲ့နေရာမှာမှ ရှိရဲ့လား ဆိုတဲ့ အတွေးတစ်စ ဆွဲထုတ်မိလိုက်တာ မိုးသာစင်စင်လင်းသွားတယ်။လုံးဝ အိပ်လို့ မရတော့ပါဘူး၊အလွမ်းပေါ် အပူဆင့်ခဲ့ရပါတယ် အမေ။

အခုနောက်ပိုင်းတော့ ငါတို့ အမေဟာ စိတ်ထားနူးညံ့တယ်။ကုသိုလ်တွေ အများကြီးလုပ်ခဲ့တယ်။လောကဓံ
မျိုးစုံနဲ့နှစ်(20)ကျော် ခံစားခဲ့ရတဲ့ ရောဂါဝေဒနာတွေကို စိတ်ဓါတ်ခိုင်မာစွာနဲ့ သီးခံနိုင်ခဲ့တယ်။တရားဘာဝနာများကို နှစ်ရှည်လများအားထုတ်ခဲ့တယ် ဆိုတဲ့ အသိတွေနဲ့ အမေကောင်းရာမွန်ရာမှာ ရောက်နေလိမ့်မယ်လို့ ယုံကြည်ရင်းနဲ့ သမီးတို့တတွေ ဖြေဆည်ပြီးနေနေကြပါတယ်။

လစဉ်လတိုင်းမှာ အမေဆုံးတဲ့နေ့ရောက်တိုင်း ဆွမ်းလောင်းမပျက်ခဲ့ပါဘူး။
နေ့စဉ်နေ့တိုင်းလည်း သမီးပြုလုပ်သမျှ ကုသိုလ်ကောင်းမှုတွေကို အမေ့ကို အထူးအားဖြင့် အမျှပေးဝေပါတယ်။
ရောက်ရာဘုံဘ၀ကနေ သာဓုခေါ်ပြီး နိဗ္ဗာန်အထိ ရောက်အောင် ကြိုးစားသွားနိုင်ပါစေလို့ သမီးတို့ သားသမီးတစ်တွေ

အမြဲ ဆုတောင်းနေကြပါတယ် အမေ.............................။

(19.1.2009)နေ့တွင် ကွယ်လွန်ခဲ့ပြီဖြစ်သော မိခင်ကြီး ဒေါ်ခင်မြညွန့်အား ရည်စူးပြီး နှလုံးသားနှင့် ရေးဖွဲ့ပါသည်။



မေတ္တာရပ်ခံချင်ပါတယ်.. ဒီအခုပို့စ်လေးဟာ စိုင်းစိုင်းရဲ့ အမတစ်ယောက်ရေးထားတာဖြစ်ပါတယ်. အဲ့ဒီအတွက် ကူးယူဖော်ပြချင်တယ် ဆိုရင် စိုင်းစိုင်းကို ကြိုတင်ပြီး အသိပေးစေလိုပါတယ်. အမရဲ့ ခွင့်ပြုချက်ရတဲ့အခါမှာတော့ ခွင့်ပြုပေးမှာ ဖြစ်ပါတယ်